ԴԱՐ ընտանեկան հիմնադրամի ակտիվում կան շատ բարի գործեր, էլ ավելի շատ ծրագրեր և նախագծեր, որոնք միավորում են անցյալը ներկայի հետ և ներկան՝ ապագայի հետ: Չէ որ մեր վաղվա օրվա ուրվագծերը այն գծերն են, որոնք մենք գծում ենք այսօր:
Բարի գործեր անելու ունակությունը տաղանդի պես մի բան է։ Իսկ որևէ տաղանդով, եթե հավատաք, օժտված է աշխարհ եկող յուրաքանչյուր մարդ: Միայն թե տաղանդը փխրուն է, շնորքը հեշտ է կորցնել կասկածելի արժեքների և կեղծ գաղափարների օվկիանոսում: Հաճախ հենց այդպես էլ լինում է: Բայց օվկիանոսում կան կղզիներ, և կան փարոս-մարդիկ, որոնց հոգու լույսը հեռու է տարածվում անհանգիստ ջրի վերևում։ Եվ դու քայլում ես դեպի լույսը, ոտք ես դնում կղզու վրա: Ինչ-որ մեկը կարճ ժամանակով, ուղղակի շունչ քաշելու կամ կերակուր ու ջերմություն գտնելու համար, որպեսզի հետո շարունակի իր ճանապարհը: Ինչ-որ մեկը մնում է այստեղ՝ մշակում է հողը, կառուցում, զարդարում շրջապատող աշխարհը՝ ինքն իրենով բազմապատկելով լույսը օվկիանոսի վերևում։
Թող կղզիները ձևավորեն նոր մայրցամաքներ: Թող փարոսները երբեք չմարեն: Թող վառվեն նոր փարոսներ և օրհնյալ լույսով ծաղկեցնեն աշխարհը:

Մարգարիտա Գևորգյան