ՀՈՒՄԱՆԻՏԱՐ ՕԳՆՈՒԹՅՈՒՆ
«ԴԱՐ» հիմնադրամը կարևորում է քաղաքացիների կյանքի որակի բարելավման, սոցիալական և հումանիտար կարիքների բավարարման անհրաժեշտությունը: Այս նպատակով բազմաթիվ նվիրատվություններ ու ֆինանսական աջակցության նախաձեռնություններ են իրականացվել հիմնադրամի գործունեության ընթացքում, հատուկ ուշադրության են արժանացել առողջական խնդիրների հաղթահարման մարտահրավերի առաջ կանգնած մշակութային գործիչները:
Կորոնավիրուսային վարակի դեմ պայքարելու նպատակով
ֆինանսական աջակցույթուն
2020 թ. մարտին ֆինանսական աջակցույթուն է ցուցաբերվել Առողջապահության նախարարությանը, ինչպես նաև առանձին աջակցություն «Չարենցավան բժշկական կենտրոն» ՓԲԸ-ին` Կորոնավիրուսային վարակի դեմ պայքարելու նպատակով:
«Խարբերդի մասնագիտացված մանկատուն» ՊՈԱԿ-ում
վերանորոգման աշխատանքներ
2020 թ. ապրիլին ֆինանսական աջակցություն ցուցաբերվեց «Ճախրուկ» էթնո երաժշտախմբին` «Խարբերդի մասնագիտացված մանկատուն» ՊՈԱԿ-ում վերանորոգման աշխատանքներ իրականացնելու համար:
Ծնելիության ցուցանիշի բարձրացում
Գեղարքունիքի մարզի Ծաղկունք գյուղում
Նպատակ ունենալով խթանել համայնքներում հայ ընտանիքների շարունակական և ստեղծարար կենսագործունեությունը` «ԴԱՐ» հիմնադրամը 2011 – 2016 թթ. ֆինանսական խրախուսանք է տրամադրել Ծաղկունք գյուղի նորածին երեխաների ընտանիքներին: Ծրագրի արդյունքում նկատելի էր ծնելիության ցուցանիշի բարձրացումը համայնքում, ինչն արտացոլված է այսօր արդեն դպրոցում սովորող երեխաների թվում:
«ԴանԱրմեն» ասոցիացիա
մարդասիրական աջակցություն
Հայ-դանիական «ԴանԱրմեն» ասոցիացիան սկսած 2005 թվականից բարեգործական օժանդակություն է ուղարկել հայրենի երկիր ՝ աջակցելով տարբեր կազմակերպություններում առաջացած որոշակի խնդիրների լուծմանը: Օգնություն է ուղարկել մի շարք դրոցների, ծերանոցների, հիվանդանոցների, հաշմանդամների, մանկապարտեզների, հասարակական կազմակերպություննրեի, Հ.Ք. Կոֆոեդ հիմնադրամի անօթևաններին և այլն:
«ԴԱՐ» հիմնադրամն իր ֆինանսական աջակցությունը ցուցաբերեց վերջինիս՝ հերթական օգնության բեռնարկղը Հայսատան հասցնելու գործում:
